اسلام آباد۔23جنوری(اے پی پی) وزیر دفاع خواجہ آصف آکھیے پرے دے علاقیں اچ معیاری تعلیم ݙیوݨ صوبائی حکومتاں دی ذمہ واری اے، اساکوں آپݨے نصاف اچ قومی تشخص نشابر کرݨ تے توجہ ݙیوݨی چاہیدی اے ۔ قومی اسمبلی اجلاس اچ آسیہ تنولی اتے ٻئیں دے توجہ کراؤ نوٹس تے ڳالھ کریندے وزیر دفاع خواجہ آصف آکھیے گوادر تے گلگت اچ وفاقی اداریں دے سکول کھولیے ویندے پئن ، اے تاثر غلط اے جو سکول بند کرݙتن ، پرے تے پسماندہ علاقیں اچ سکول کھولݨ اولین ترجیح اے تاں جو اتھاں دی آبادی ایں توں فیدہ چاوے، انہاں آکھیے تعلیم ݙیوݨ صوبائی حکومتاں دی ذمہ واری اے، انہاں کوں پرے دے علاقیں اچ معیاری تعلیم ݙیوݨ یقینی بݨاوݨی چاہیدی اے، اساکوں آپݨے نصاف اچ قومی تشخص نشابر کرݨ تے توجہ ݙیوݨی چاہیدی اے ، دفاعی ادارے صحت اتے تعلیم دے شعبہ اچ بھرپور خدمات انجام ݙیندے پئن
