اسلام آباد۔24دسمبر (اے پی پی):ترجمان دفتر خارجہ زاہد حفیظ چوہدری آکھیے جو بھارتی حکومت دیاں فوجی تیاریاں علاقائی امن کیتے خطرہ ہن ،پاکستان دی مسلح افواج بھارت ولوں کہیں قسم دی مہم جوئی نال نبݨݨ کیتے پوری تیار اے ۔ اسرائیل کوں من گھنݨ تے کوئی غور کائنی ایں سلسلے اچ ساریاں ڳالھیں بے بنیاد ہن۔ مسئلہ فلسطین حل کیتے بغیر اسرائیل کوں تسلیم نہ کریسوں ۔ترجمان دفتر خارجہ خمیس کوں ہفتہ وار بریفنگ دے دوران عالمی برادری تے زور ݙتے جو او پاکستان دے خلاف بدنیتی تے مبنی بھارتی پروپیگنڈے دا سنجیدہ نوٹس گھنے جیں دا مقصد نہ صرف پاکستان کوں بدنام کرݨ اے بلکہ بین الاقوامی فورمزکوں سیاسی رنگ ݙیوݨ تے امن و سلامتی کوں خطرے اچ پاوݨ اے ۔ترجمان آکھیے جو برطانوی میڈیا ریگولیٹر آفکام دی ارنب گوسوامی دے پاکستان مخالف نفرت انگیز پروگرام دی وجہ توں بھارتی ٹی وی تے جرمانہ لاوݨ ، بی جے پی حکومت دی پاکستان مخالف مہم دا مظہر اے۔
.jpg)