اسلام آباد۔ 11 جون(اے پی پی) وزیر اعظم محمد شہباز شریف سٹاک مارکیٹ دے تاریخ دی بلند ترین سطح ہک لکھ 24 ہزار پوائنٹس تے پڄݨ تے اطمینان کیتے۔ انہاں آکھیا جو سٹاک مارکیٹ اچ تیزی دا رجحان سرمایہ کاراں اَتے کاروباری شخصیات دے عوام دوست بجٹ تے اعتماد دا مظہر اے۔ وزیراعظم آکھیا جو بجٹ اچ عام آدمی تے ٹیکس دا ودھ ٻھار نئیں سٹیا ڳیا، تنخواہیں اچ ودھارے اَتے ٹیکس اچ کمی نال نوکری پیشہ افراد کوں ریلیف مِلسی۔ انہاں اطمینان کیتا جو “الحمدللہ ملکی معاشی ترقی دا پندھ شروع تھی ڳئے، پاکستانی عوام قربانیاں ݙتین، ہݨ ساکوں سارے رَل تے عام آدمی دی زندگی اچ بہتری گھن آوݨ کیتے محنت کرݨی اے۔” وزیراعظم معاشی ٹیم دی تعریف کریندے آکھیا جو مہنگائی دی شرح اچ کمی، زرمبادلہ دے ذخائر، ترسیلات زر اَتے برآمدات اچ ودھارا معاشی ٹیم دی شبانہ روز محنت پاروں ممکن تھئے۔ انہاں آکھیا جو “پاکستان دی ڈیوالہ تھیوݨ دی کندھی توں واپسی، معاشی استحکام اَتے ترقی دے پندھ دی شروعات ہک معجزہ اے، معاشی ٹیم دی محنت اَتے پاکستان دے مفادات کوں اولین ترجیح ݙیوݨ پاروں معاشی سطح تے اے مثالی ٹرن اوور تاریخ اچ سنہرے حروف نال لکھیا ویسی۔”
.jpg)
