اسلام آباد۔8اگست (اے پی پی) وزیراعظم محمد شہباز شریف اس??ام آباد، آزاد جموں و کشمیر اتے گلگت بلتستان اچ سیاحت دے ودھارے دے حوالے نال وختی لائحہ عمل ترتیب ݙیوݨ اتے پورے ملک دے سیاحتی علاقیں اچ نویاں عمارتاں اتے انفراسٹرکچر دی تعمیر دے حوالے نال موسمیاتی تبدیلی دے پہلو کوں سامݨے رکھݨ دی ہدایت کریندیں آکھیے جو سیاحت دے ودھارے دے حوالے نال قابل عمل اتے وختی توں وختی پورے تھیوݨ آلے پراجیکٹ ترتیب ݙتے ونڄن۔ وزیراعظم نیشنل ٹورزم کوآرڈی نیشن بورڈ کوں فعال کرݨ دے حوالے نال بریفنگ وی منگ گھدی اے۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف دی صدارت اچ سیاحت دے ودھارے دے حوالے نال اجلاس تھیا۔ اجلاس دے شرکاء نال ڳالھ مہاڑ کریندیں وزیراعظم آکھیا جو پاکستان اچ سیاحت دے حوالے نال بے پناہ استعداد موجود اے، اللہ تعالیٰ پاکستان کوں قدرتی وسائل اتے لازوال خوبصورتی نال نوازیے، برف نال ڈھکئے پہاڑ، جنگل، دریا، ریگستانی علاقے اتے کوسٹ?? لائن جیھے قدرتی وسائل پاروں اساݙا ملک ??نی?? اچ ہک منفرد اتے اہم مقام رکھیندے، پاکستان کنے ??نی?? دی قدیم ترین تہذیب اے۔ انہاں آکھیا جو گلگت بلتستان اتے آزاد جموں و کشمیر دے سیاحتی علاقیں اچ ملکی اتے غیر ملکی سیاحواں کوں راغب کرݨ کیتے بہترین انفراسٹرکچر دی تعمیر اتے سوکھے سفر تے رابطے اتے اعلیٰ معیار دیاں جدید تفریحی سہولتاں ٻہوں ضروری ہن۔ وزیراعظم اس??ام آباد، آزاد جموں و کشمیر اتے گلگت بلتستان اچ سیاحت دے ودھارے دے حوالے نال وختی لائحہ عمل ترتیب ݙیوݨ دی ہدایت کیتی۔ انہاں سیاحت دے ودھارے دے حوالے نال قابل عمل اتے وختی پورے تھیوݨ آلے پراجیکٹ ترتیب ݙیوݨ دی وی ہدایت کیتی۔ انہاں مزید ہدایت کیتی جو آزاد جموں و کشمیر اتے گلگت بلتستان اچ سیاحواں دیاں سہولتاں کیتے بہترین معیار دے ہوٹلز، ریزارٹس، تفریحی علاقیں اتے ٻئیاں سہولتاں دی تعمیر دے حوالے نال حکمت عملی بݨائی ونڄے۔ انہاں ہدایت کیتی جو پورے ملک دے سیاحتی علاقیں اچ نویاں عمارتاں اتے انفراسٹرکچر دی تعمیر دے حوالے نال موسمیاتی تبدیلی دے پہلو کوں سامݨے رکھیا ونڄے۔ وزیراعظم نیشنل ٹورزم کوآرڈینیشن بورڈ کوں فعال کرݨ دے حوالے نال بریفنگ وی منڳ گھدی اے۔ اجلاس کوں وزیراعظم دے کوآرڈینیٹر سیاحت سردار یاسر الیاس ولوں سیاحت دے ودھارے دے حوالے نال تجویزاں تے بریفنگ ݙتی ڳئی۔ اجلاس کوں ݙسایا ڳیا جو ملک اچ غیر ملکی سیاحواں دی تعداد ودھاوݨ، سیاحت کوں جی ڈی پی دا ہک اہم حصہ بݨاوݨ اتے سیاحت دے حوالے نال 20 نویں علاقے آباد کرݨ دے حوالے نال اہداف تے کم شروع کیتا ونڄ سڳدے، مذہبی اتے میڈیکل ٹورازم دی استعداد توں بھرپور فیدہ چاوݨ دے حوالے نال حکمت عملی بݨائی ویندی پئی اے۔ اجلاس کوں ݙسایا ڳیا جو وختی ہی اس??ام آباد اچ نیشنل ٹورزم ایکسپو اینڈ انویسٹمنٹ کانفرنس دا انعقاد کیتا ویسی۔ہݨے ہی ملتان اچ نواز شریف زرعی یونیورسٹی دے تعاون نال مینگو فیسٹول، 2025 دا انعقاد کیتا ڳیا۔ اجلاس اچ وفاقی وزیر اقتصادی امور احد خان چیمہ، وفاقی وزیر انفارمیشن ٹیکنالوجی و ٹیلی کام شزہ فاطمہ، وفاقی وزیر ریلوے حنیف عباسی، وفاقی وزیر قومی ورثہ و ثقافت اورنگزیب کھچی، وزیراعظم دے مشیر بین الصوبائی رابطہ رانا ثناء اللہ، وزیراعظم دے مشیر ڈاکٹر توقیر شاہ، وزیر مملکت خزانہ و ریلوے بلال اظہر کیانی، وزیراعظم دے معاون خصوصی حذیفہ رحمان، وزیراعظم دے کوآرڈینیٹر سیاحت سردار یاسر الیاس اتے متعلقہ اعلیٰ سرکاری افسراں شرکت کیتی۔
.jpg)
