اسلام آباد۔16اگست (اے پی پی) وفاقی وزیر اطلاعات و نشریات عطاء اللہ تارڑ آکھیے جو ہر کامیاب حکمت عملی دے پچھوں پوری ٹیم دا ہتھ ہوندے، معرکہ حق دے دوران تصور عرفات چوہدری دیاں خدمات دا معترف ہاں۔ سوشل میڈیا پلیٹ فارم “ایکس” تے آپݨی ہک پوسٹ اچ انہاں آکھیا جو “وزارت اطلاعات جیں طریقے نال معرکہ حق دے دوران بیانیے دی جنگ لڑی الحمدللہ ایں اچ ٻہوں سارے لوکاں دی کوشش اے، ایں اچوں ہک شخص جیں بھرپور محنت کیتی اتے حکمت عملی کوں کامیاب کرݨ اچ بھرپور کردار ادا کیتا، ایں دا ناں تصور عرفات چوہدری اے، میں انہاں دی خدمات دا معترف ہاں۔
