دوحہ۔14ستمبر(اے پی پی) نائب وزیراعظم و وزیر خارجہ سینیٹر محمد اسحاق ڈار دی دوحہ اچ ہنگامی عرب-اسلامی سربراہی اجلاس دی تیاریاں دے سلسلے اچ وزرائے خارجہ دے اجلاس دے موقع تے آپݨے مصری ہم منصب وزیر خارجہ ڈاکٹر بدر عبدالعاطی نال ملاقات تھئی، ݙوہیں رہنماواں قطر اتے ٻئے مسلم ملکاں تے اسرائیلی غیر قانونی حملیں کوں انہاں ملکاں دی خود مختاری اتے بین الاقوامی قانون دی صریح خلاف ورزی قرار ݙتا۔ ترجمان دفتر خارجہ توں جاری بیان موجب ملاقات اچ ݙوہیں رہنماواں قطر اتے ٻئے مسلم ملکاں تے اسرائیلی غیر قانونی حملیں کوں انہاں ملکاں دی خود مختاری اتے بین الاقوامی قانون دی صریح خلاف ورزی قرار ݙیندے مذمت کیتی۔ ݙوہیں رہنماواں فلسطینی کاز کیتے آپݨی پکی حمایت دا ول وعدہ کیتا اتے امت مسلمہ اچ یکجہتی دی تکھی ضرورت تے زور ݙتا۔
