گلگت ۔22جولائی (اے پی پی) (اے پی پی) گلگت بلتستان اچ اڄوکی طوفانی بارشاں دے بعد شاہراہ بابوسر تے شدید سیلابی ص??رتحال وݙے پیمانے تے تباہی مچائی اے۔ ترجمان گلگت بلتستان حکومت فیض اللہ فراق موجب سیلاب پاروں ہک گرلز سکول، ݙو ہوٹل، ہک پن چکی، گندم ڈیپو، پولیس چوکی اتے ٹورسٹ پولیس شیلٹر مکمل طور ??ے تباہ تھی ڳئن۔ سیلابی ریلاں شاہراہ بابوسر نال ملحقہ عل??قیاں اچ 50 توں ودھ مکاناں کوں مکمل طور ??ے نقصان پڄائے ??ݙا?? جو 8 کلومیٹر سڑک شدید متاثر اے اتے 15 جہیں تے سڑک مکمل طور ??ے بلاک تھی ڳئی اے۔ 4 رابطہ پُل وی تباہ تھی ڳئن اتے ہزاراں فٹ عمارتی لکڑی سیلاب دی نظر تھی ڳئی اے۔ ترجمان موجب رات دے اندھارے پاروں سرچ آپریشن اچ رکاوٹ آئی ہئی، بھاویں سَویرے کارروائیاں شروع کیتی ڳئن۔ لاپتہ بندیاں دی ڳول دا عمل تیزی نال جاری اے اتے متاثرہ عل??قیاں اچ ودھیکی ہیوی مشینری روانہ کیتی ڳئی اے تاں جو بحالی اتے ریسکیو کم تیز تھی سڳن۔پھتے ہوئے سیاحاں کوں محفوظ جہیں تے پڄایا ویندا پئے ، اتے ہݨ تئیں 50 توں ودھ سیاحاں کوں مقامی رہائش گاہواں توں کڈھ تے چلاس شہر منتقل کیتا ڳئے۔ پاک فوج دے تعاون نال بذریعہ ہیلی کاپٹر امدادی کارروائیاں دا آغاز کر ݙتا ڳئے۔ ہیلی کاپٹر دے ذریعے متاثرہ عل??قیاں تئیں خوراک دے پیکٹس دی ترسیل دا عمل وی جاری اے۔ وزیراعلیٰ گلگت بلتستان حاجی گلبر خان سارے متعلقہ اداریاں کوں ہدایت جاری کیتن جو ریلیف آپریشن کوں ٻیا مؤثر اتے تیز کیتا ونڄے۔ حکومت ولوں عوام توں اپیل کیتی ڳئی اے جو او افواہیں تے کن نہ ݙیون اتے مستند معلومات کیتے صرف سرکاری ذریعہ تے اعتماد کرن۔
.jpg)
.jpg)
