اسلام آباد۔20 جون(اے پی پی)وزیراعظم محمد شہباز شریف فیڈریشن انٹرنیشنل دی ہاکی (ایف آئی ایچ) نیشنز کپ دے سیمی فائنل میچ اچ فرانس دے خلاف فتح تے پاکستانی ہاکی ٹیم کوں شاندار خراج تحسین پیش کریندے امید کیتی اے جو تیکھے اساں ہاکی دے میدان اچ اپݨاں ونڄایا وقار ولا حاصل کریسوں۔ وزیراعظم محمد شہباز شریف پاکستان ہاکی ٹیم دے کھڈاریاں اتے ٹیم مینجمنٹ دی پذیرائی کیتی تے ایف آئی ایچ نیشنز کپ دے فائنل اچ رسائی تے پوری قوم کوں مبارکباد ݙتی۔ انہاں آکھیا جو قومی ہاکی ٹیم پورے ٹورنامنٹ اچ شاندار کھیڈی اے، اتے پوری قوم دا ماݨ ودھا تے دل جیت ڳھدن۔ انہاں دعا کیتی جو پاکستانی ہاکی ٹیم فائنل میچ اچ وی شاندار کھیݙسی اتے کپ اپݨے ناویں کریسی۔
