دوحہ (قطر)۔1نومبر(اے پی پی) وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے پاکستان تے قطر وچال تاریخی ثقافتی تے مذہبی رابطے موجود ہن ، ثقافتی رشتیں کوں تکڑا کرݨ وزیراعظم شہباز شریف دا وژن اے۔ اے ڳالھ انھاں قطر دے وزیر ث??افت عبدالرحمان بن حماد الثانی دی خصوصی دعوت تے فارج ال فن فیسٹیول اچ شرکت دے موقع تے آکھی اے ۔ وفاقی وزیر اطلاعات قطر دی وزارت ثقافت اتے وزیر ث??افت عبدالرحمان بن حماد الثانی کوں فیسٹیول سانڳے بہترین انتظامات تے مبارخ ݙتی ۔ فیسٹیول دے موقع تے وفاقی وزیر اطلاعات عطاءاللہ تارڑ دی تاجکستان دی وزیر ث??افت Matlubakhon Sattoriyen اتے عراق دے وزیر ث??افت ڈاکٹر احمد ال فکک ال بدرانی نال وی ملاقات تھئی ۔ ایں موقع تے ڳالھ مہاڑ کریندے عطاءاللہ تارڑ آکھیے قطر دے ثقاف??ی ورثے ک??ں محفوظ رکھݨ تے اینکوں ودھارا ݙیوݨ دی لگن ھک اعزاز اے۔ فارج الفن جیھے ایونٹس ثقافتی تبادلیں دی اہمیت دا اظہار ہن۔ انہاں آکھیے پاکستان تے قطر وچال تاریخی، ثقافتی اتے مذہبی رابطے موجود ہن ۔ ݙوہیں ملکاں وچال ثقافتی تعاون اچ ودھارا تھئے ، ثقافتی رشتے ک??ں مزید تکڑا کرݨ وزیراعظم پاکستان شہباز شریف دا وژن اے۔ عطاءاللہ تارڑ آکھیے ایجھے ایونٹس قوماں کوں ھک ݙوجھے دے نیڑے گھن آوݨ ، سانجھے احترام ودھاوݨ تے مشترکہ ورثے دا تبادلہ ک??ݨ اچ مدد ݙیندن ۔ انھاں عالمی سطح تے فن دے منظر نامے سانڳے روایتی تے جدید قطری فنون پیش ک??ݨ اچ فارج الفن فیسٹیول دے کردار دی تعریف کریندے آکھیے پاکستان دی وزارت ثقافت و قومی ورثہ ثقافتی تعاون دے ودھارے جیھے اقدامات دی حمایت کریسی انھاں آکھیے پاکستان تے قطر وچال دوستی اتے ثقافتی تبادلے مزید گھاٹے تھیسن ۔ واضح رہے جو ہݨے ہی پاکستان تے قطر ث??افت دے شعبے اچ تعاون ودھاوݨ دے معاہدے تے دستخط کیتن ۔ ایں معاہدے دے تحت 132 فن پاریں کوں قطر بھیجا ڳئے تاں جو انھاں کوں ”منظر ۔ آرٹ اینڈ آرکیٹیکچر آف پاکستان 1940ءتوں ہݨ تئیں “ دے تحت قطر میوزیم اچ نمائش سانڳے پیش کیتا ونڄ سڳے ۔ فارج الفن فیسٹیول 31 اکتوبرتوں 6 نومبر تئیں جاری رہسی ۔ فیسٹیول اچ قطر دے متنوع جدید فنون کوں پیش کیتا ویندا پئے ۔ فارج الفن فیسٹیول فنکاراں، تخلیق کاراں اتے ثقافت نال محبت رکھݨ آلیں سانڳے ھک اہم پلیٹ فارم اے ، ایں فیسٹیول اچ پورے خطے بشمول پوری دنیا توں فنکاراں کوں ورکشاپاں تے سیمینارز اچ شرکت سانڳے سݙیا ڳئے۔
.jpg)
