کراچی ۔ 23 اپریل (اے پی پی) وفاقی وزیر منصوبہ بندی ترقی و اصلاحات احسن اقبال آکھیے جو سی پیک نال پاکستان ترقی تے تجارت دا مرکز بنڑ ویسی ،اساکوں اے ایونٹ ڈیکھ تے خوشی تھی اے کراچی تبدیل تھیندا پے کیوں جو جڈاں 2013اچ پاکستان مسلم لیگ ن دی حکومت اقدار سانبھیا تاں اے شہر ٹارگٹ کلنگ تے بھتہ خوری دے طور تے جانڑیاویندا ہئی ،سی پیک دی مدد نال پاکستان ترقی دا مرکز بنڑ ویسی تے 2050تئیں ایشیا تے عالمی معیشت دی شرح نمو اچ 52فیصد حصے دا شراکت دار وی ہوسی ۔اے گال انہاں سنوار کوںسی پےک سمٹ نال خطاب کریندے ہوئیں آکھی جیں دا اہتمام ڈان مےڈےا گروپ اتے وزارت منصوبہ بندی ترقی واصلاحات کیتا ہئی۔ وفاقی وزےر آکھیا جو پاکستان مسلم لیگ (ن) دا دور ایں ملک دی ترقی تے کامیابی دا دور اے تے سی پیک تے ون بیلٹ ون روڈ منصوبے دی ابتدا ایں ملک دی تقدیر بدالنڑ اچ اہم کردار ادا کریسی ۔انہاں آکھیا ون بیلٹ ون روڈ منصوبے کوں وڈا موقع قرار ڈیندے ہوئیں ایں منصوبے دی مدد نال پاکستان ترقی دا مرکز بنڑ ویسی تے 2050تئیں ایشیا عالمی معیشت دی شرح نمو اچ 52فیصد حصے دا شراکت دا ر وی ہوسی ۔وفاقی وزیر ترقی اتے منصوبہ بندی آکھیا جو وژن 2025دے تحت 7 اہم شعبیں تے توجہ ڈتی ہوئی اے تے خطے اچ اقتصادی راہداری نال پاکستان عالمی تجارت دا مرکز بنڑ ویسی ۔احسن اقبال آکھیا جو چین پاکستان ڈے او ویلھے ہتھ ودھائے جڈاں کوئی اتھاں 10ڈالر تئیں سرمایہ کاری کرنڑ کوں تیار نہ ہئی ۔ایں موقع تے سی ای او ڈان میڈیا گروپ حمید ہارون وزیر منصوبہ بندی احسن اقبال کو ںشیلڈ وی پیش کیتی ۔
.jpg)
.jpg)
