اسلام آباد ۔ 16 اگست(اے پی پی) وزیر مملکت مذہبی امور پیر امین الحسنات آکھیا ہے جو قرآن پاک دی اشاعت دے حوالے نال حکومت جامع بل گھن آندی پئی ہے ، قرآن حکیم دے مقدس ورقیں دی ری سائیکلنگ سانگے یونٹ دے قیام اچ پیش رفت تھیندی پئی ہے جڈاں جو حکومت رکن میجر (ر) طاہر اقبال دا ایں حوالے نال بل موخر کر ڈتا گیا ۔منگل کوں قومی اسمبلی دے اجلاس اچ میجر طاہر اقبال تحریک پیش کیتی جو قر آن شریف دی اشاعت (طباعت تے ریکارڈنگ دیاں غلطیاں دا خاتمہ (ترمیمی بل 2015قائمہ کمیٹی دی رپورٹ کردہ صورت اچ وختی زیر غور لاتا ونجے ۔ وزیر مملکت مذہبی امور پیر امین الحسنات آکھیا جو ایں حوالے نال حکومت جامع پلان کریندی پئی ہے ایں معاملے اچ صوبیں کوں وی اعتماد اچ گھدا ویندا پے ۔فاضل رکن ایندے تے تھوڑا جا صبر کر گھنن۔میجر طاہر اقبال آکھیا جو ہک مہینے تئیں بل کوں موخر کرنڑ اچ کوئی حرج کائنی ۔وزیر مملکت دی درخواست تے موخر کر ڈتا گیا ۔
